გაერთიანებულ სამეფოში საქართველოს ელჩმა თამარ ბერუჩაშვილმა საელჩოს ტრადიციული მრგვალი მაგიდის ფორმატში ლონდონის ეკონომიკისა და პოლიტიკურ მეცნიერებათა უნივერსიტეტის (LSE) სტუდენტებს უმასპინძლა.
ბრიტანეთის ერთ-ერთი წამყვანი უნივერსიტეტის 12 სტუდენტი (9 ქვეყნის წარმომადგენელი) საელჩოს ორგანიზებით საქართველოში მარტში გაემგზავრება.
კლუბის წევრების აკადემიური გამოცდილება მრავალფეროვანია და მოიცავს საერთაშორისო ურთიერთობებს, მმართველობას, ევროპათმცოდნეობას, ეკონომიკას, ფილოსოფიას, მენეჯმენტს, გენდერს. ერთკვირიანი ვიზიტის ფარგლებში ჯგუფი შეხვედრებს გამართავს საქართველოს საკანონმდებლო და აღმასრულებელი ხელისუფლების წარმომადგენლებთან, საერთაშორისო ორგანიზაციების ხელმძღვანელებთან, არასამთავრობო და აკადემიურ წრეებთან. საქართველოში ვიზიტის ფარგლებში, სტუდენტები ასევე ეზიარებიან ქვეყნის ისტორიულ და კულტურულ მემკვიდრეობას და მოინახულებენ საქართველოს სხვადასხვა რეგიონს.
ვიტიზის ფარგლებში, სტუდენტები საქართველოს ვიცე პრემიერს, საგარეო საქმეთა მინისტრ მიხეილ ჯანელიძეს შეხვდებიან. საქართველოს საელჩო გაერთიანებულ სამეფოში აგრძელებს კულტურული და აკადემიური ვიზიტების ხელშეწყობას, რომელთა მიზანია, ქვეყნის მიღწეული პროგრესისა და დემოკრატიული განვითარების გზაზე არსებული გამოწვევბის შესახებ ცნობადობის ამაღლება.