პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი და თბილისის საკრებულოს უმრავლესობის წევრი, ალექსანდრე ხუჯაძე სტუდენტური ტელევიზიის სამუშაო პროცესს გაეცნენ. ტელევიზიაში ქართული 3-დე ფორმატის სპორტული მატჩების პირდაპირი ჩვენება მოეწყო, რომელიც სტუ-ს პროფესორ-მასწავლებლებისა და სტუდენტების ერთობლივ ნამუშევარს წარმოადგენს.

„აღფრთოვანებული ვარ იმ პროცესით, რაც დღეს ჩემს კოლეგასთან ერთად ვნახე სტუ-ს ტელევიზიაში სტუმრობისას. ვფიქრობთ აღნიშნული პროექტის ამ ეტაპამდე მოყვანაში უდიდესი შრომაა ჩადებული, რისთვისაც მადლობას ვუხდი ჩვენს მასპინძლებს. იმ გუნდს, რომლებიც დიდი ენთუზიაზმით ყოველდღიურად ცდილობენ სტუდენტებს განვითარების საშუალება მისცენ და მათი ცხოვრება უფრო საინტერესო გახადონ. მისასალმებელია სტუ-ს მიდგომა სტუდენტის თვითრეალიზებაში მაქსიმალურად ხელშეწყობისათვის. სრულ მხარდაჭერას ვუცხადებ ახალგაზრდებს ქვეყნისთვის სასიკეთო საქმეების კეთებაში. მჯერა, რომ ასეთ პროექტების განვითარებით და ხელშეწყობით ერთად ბევრ წარმატებას მივაღწევთ“- განაცხადა მიხეილ ყაველაშვილმა.