პარლამენტის პირველი ვიცე–სპიკერის მიხეილ მაჭავარიანის შეფასებით, გიორგი ცაგარეიშვილი პოლიტიკური დებატების დროს, სავარაუდოდ, საკუთარ ოცნებებზე ისაუბრებს.
გიორგი ცაგარეიშვილმა რამდენიმე დღის წინ ბრიფინგზე პირობა დადო, რომ მისი გამოსვლა პარლამენტში უმწვავესი იქნება.
"რაც შეეხება გიორგი ცაგარეიშვილის გამოსვლას, "ქართულ ოცნებას" რა მიზნები აქვს, ეს უკვე გავიგეთ, ცაგარეიშვილი ალბათ, თავის ოცნებებზე ისაუბრებს და არა ბიძინა ივანიშვილის ხედვებზე," – იხუმრა მიხეილ მაჭავარიანმა ჟურნალისტებთან საუბრისას.
ცაგარეიშვილის გამოსვლა პარლამენტში პრეზიდენტის წლიური ანგარიშის ფარგლებში დაგეგმილი პოლიტიკური დებატების ფარგლებში იგეგმება.
ფრაქციას "ერთობა სამართლიანობისთვის" პოლიტიკურ დებატებში 15 წუთიანი გამოსვლა ექნება. აქედან, 8 წუთი გიორგი ცაგარეიშვილის დაეთმობა.