პარლამენტის წევრის, ბექა ოდიშარიას განცხადებით, კახა კალაძისგან მომავალშიც უნდა ველოდით გაბედულ, რეფორმატორულ ნაბიჯებს, რომლებიც თბილისელის გაუმჯობესებულ ყოფაზე აისახება.

ამის შესახებ ოდიშარიამ დედაქალაქის მერიის მიერ „სითი პარკთან“ ხელშეკრულების გაწყვეტის თაობაზე საკითხის კომენტირებისას განაცხადა.

„მათ შორის უმთავრესი კი თბილისის მცხოვრებთა მუდმივი უკმაყოფილება და მოლოდინი მდგომარეობის კარდინალურად გაუმჯობესებისა.

წლების განმავლობაში, „სითი პარკის“ მხრიდან განხორციელებული ქმედებები და სამწუხაროდ, მათი საოპერაციო საქმიანობა თბილისელებისა და დედაქალაქის სტუმრებისათვის  ყველაზე ხშირდ აღიქმებოდა სწორედ არაკეთილსინდისიერ ქმედებებად და არა სერვისის მიწოდების სანაცვლოდ დანერგილ რეგულაციებად  და არც თუ უსაფუძვლოდ, განაპირობეს კალაძის დღევანდელი გადაწყვეტილება.

კახი კალაძე თბილისელების მაღალი ნდობის ვოტუმუმით სარგებლოს და მისი გადაწყვეტილება არის მერის გადაწყვეტილება რომელსაც კარგად ესმის საკუთარი ქალაქის მოსახლეობის და მისი ყოველდღიური ცხოვრების მაჯის ცემის.

დარწმუნებული ვარ კალაძისგან მომავალშიც უნდა ველოდით გაბედულ, რეფორმატორულ ნაბიჯებს, რომლებიც საბოლოო ჯამში, არა ცალკეული კომპანიების ან სუბიექტების , არამედ თითოეული თბილისელის გაუმჯობესებულ ყოფაზე აისახება. მივესალმები თბილის მერიის სურვილს და ძალისხმევას  ყველა მიმართულებით თანამედროვე ევროპული, ქართული სტანდარტების დამკვიდრებისა და ამ ჭრილში კალაძეს როგორც ადგილობრივი თვითმართველობების ასოციაციის პრეზიდენტს აქვს შესაძლებლობა ტონის მიმცემი გახდეს საქართველოს დანარჩენი ქალაქებისათვის“- განაცხადა ოდიშარიამ.