პარლამენტარის, გიორგი ხატიძის განცხადებით, "სითი პარკთან" ხელშეკრულების გაწყვეტა თბილისში ისეთი პარკირების სისტემის ჩამოყალიბებას გულისხმობს, რომელიც მოტივირებული იქნება ხელი შეუწყოს თანამედროვე, გამართული სატრანსპორტო სისტემის დამკვიდრებას.
ამის შესახებ ხატიძემ კახა კალაძის გადაწყვეტილებასთან დაკავშირებით განაცხადა, რომლის მიხედვითაც მერია კომპანია „სითი პარკთან“ ხელშეკრულებას წყვეტს.
„კახა კალაძის გადაწყვეტილება თბილისში სწორედ ისეთი პარკირების სისტემის ჩამოყალიბებას გულისხმობს, რომელიც არ იქნება ორიენტირებული უსამართლო ჯარიმების გამოწერაზე, არამედ მოტივირებული იქნება ხელი შეუწყოს თანამედროვე, გამართული სატრანსპორტო სისტემის დამკვიდრებას და ახალი საპარკინგე სივრცეების შექმნას. ჩვენი დედაქალაქისთვის საჭიროა თანამედროვე, ეფექტიანი და ამავდროულად სამართლიანი პარკირების სისტემა“- განაცხადა ხატიძემ.