პარლამენტარმა, ზაზა გაბუნია თვითმმართველობის განვითარების ხედვის პრეზენტაციას დაესწრო.
გაბუნიამ შეკრებილ დამსწრე საზოგადოებას სიტყვით მიმართა.
მისი თქმით, დეცენტრალიზაციის სტრატეგიის და სამოქმედო გეგმის არსებობა მნიშვნელოვნად შეუწყობს ხელს გრძელვადიან პერსპექტივაში იქნეს დანახული კომიტეტის საქმიანობაც დეცენტრალიზაციის სტრატეგიით განსაზღვრული პრიორიტეტებისა და სამოქმედო გეგმების გათვალისწინებით.

„პირველ რიგში მინდა მოგესალმოთ ამ ძალიან მნიშვნელოვან ღონისძიებაზე, სადაც პრაქტიკულად უკვე ამ შეხვედრით ჩვენ ფართო საზოგადოებასთან ერთად ვიწყებთ მუშაობას დეცენტრალიზაციის ხედვის განხორციელებაზე.
ეს იქნება ძალიან მნიშვნელოვანი სამუშაო საკითხი პარლამენტის რეგიონული პოლიტიკისა და თვითმმართველობის კომიტეტისათვის.
ჩვენ ახლახანს შევიმუშავეთ კომიტეტის 2018-2020 წლების სტრატეგია, სადაც განსაკუთრებული ადგილი სწორედ დეცენტრალიზაციის გრძელვადიანი სტრატეგიის არსებობის მნიშვნელობას ეთმობა და ამას განსაკუთრებული ღირებულება აქვს იმის გათვალისწინებით, რომ ჩვენ ვსაუბრობთ საპარლამენტო კომიტეტის კანონშემოქმედებითი და საზედამხედველო საქმიანობის კიდევ უფრო გაძლიერებაზე.
დეცენტრალიზაციის სტრატეგიის და სამოქმედო გეგმის არსებობა მნიშვნელოვნად შეუწყობს ხელს გრძელვადიან პერსპექტივაში იქნეს დანახული კომიტეტის საქმიანობაც დეცენტრალიზაციის სტრატეგიით განსაზღვრული პრიორიტეტებისა და სამოქმედო გეგმების გათვალისწინებით.
უმნიშვნელოვანესია, რომ ვსაუბრობთ რა დეცენტრალიზაციაზე, ჩვენ, ხელისუფლება აქცენტს ვაკეთებთ სწორედ იმ ფუნდამენტურ საკითხებზე, რაზეც როგორც ძირითად სვეტებზე უნდა დაეყრდნოს დეცენტრალიზაციის სტრატეგიის განხორციელება და თვითმმართველობის გაძლიერების კონცეფცია - ახალი უფლებამოსილებები, მეტი ფინანსური რესურსები და მოქალაქეების, ადამიანების მეტი ჩართულობა ადგილობრივი თვითმმართველობის პროცესში.
ამაზე განსაკუთრებულ აქცენტს გავაკეთებდი, რადგან ეს ყველაფერი საბოლოო ჯამში შედეგის სახით სწორედ მოქალაქეს და მის ინტერესს უნდა მოემსახუროს.
და ამასთან დაკავშირებით, აქვე მინდა გამცნოთ ერთი სიახლე, რაზეც მე უკვე მქონდა საუბარი ბატონ პარლამენტის თავმჯდომარესთან და ბატონ პრემიერ-მინისტრთან, კერძოდ, ჩვენ ვიწყებთ მუშაობას ადგილობრივი თვითმმართველობის ევროპული ქარტიის დამატებითი პროტოკოლის ე.წ. უტრეხტის ოქმის რატიფიცირებისათვის. მიმაჩნია, რომ ეს კიდევ უფრო მეტად აამაღლებს მოქალაქეთა ჩართულობის სტანდარტს.
წარმატებას ვუსურვებ ყველას ვისაც თავისი როლი ექნება დეცენტრალიზაციის სტრატეგიის და სამოქმედო გეგმის შემუშავების და შემდეგ ამის პრაქტიკაში განხორციელების დროს“- განაცხადა გაბუნიამ.