საქართველოს პარლამენტის თავმჯდომარის ირაკლი კობახიძის განცახდებით, პარლამენტი სამი წლის შემდეგ გაცილებით ძლიერი იქნება და ეს საკანონმდებლო ორგანოს ამბიციური გეგმების მნიშვნელოვანი ნაწილია.
ამის შესახებ კობახიძემ ჯონს ჰოპკინსის უნივერსიტეტში სიტყვით გამოსვლისას განაცხადა.

ირაკლი კობახიძემ, რომელიც ამერიკის შეერთებულ შტატებში ვიზიტით იმყოფება, საქართველოში მიმდინარე რეფორმებზე საუბრისას, განაცხადა, რომ ერთ-ერთი მნიშვნელოვანი მიმართულება პარლამენტის გაძლიერებაა.



„ტრადიციულად, ჩვენს სისტემაში პარლამენტი მეტ-ნაკლებად სუსტი იყო. მრავალი წლის განმავლობაში ძალაუფლება კონსოლიდირებული იყო აღმასრულებელ ხელისუფლებაში. ახლა ჩვენ ვაყალიბებთ ახალ ტრადიციას, რომლის მიხედვითაც, პარლამენტი ასრულებს გადამწყვეტ როლს მმართველობის სისტემაში. ამ მიმართულებით, მნიშვნელოვანი პროგრესი გვაქვს, მაგრამ სამომავლოდ კიდევ უფრო ამბიციური გეგმებიც გვაქვს. უნდა გაძლიერდეს პარლამენტის საზედამხედველო და კანონშემოქმედებითი შესაძლებლობები. პარლამენტი სამი წლის შემდეგ გაცილებით ძლიერი იქნება და ესაა ჩვენი ამბიციური გეგმების მნიშვნელოვანი ნაწილი“,- განაცხადა ირაკლი კობახიძემ სიტყვით გამოსვლისას.