საქართველოს პარლამენტის თავმჯდომარე ამერიკის შეერთებული შტატების კონგრესში შეხვედრებს მართავს.

ასიგნებების კომიტეტის სახელმწიფო, საგარეო ოპერაციებისა და დაკავშირებული პროგრამების ქვეკომიტეტის თავმჯდომარესთან, ჰალ როჯერსთან გამართულ შეხვედრაზე ორმხრივი სავაჭრო-ეკონომიკური ურთიერთობისა და თანამშრომლობის შესახებ ისაუბრეს.

პარლამენტის პრესსამსახურის ინფორმაციით, საქართველოს პარლამენტის თავმჯდომარემ კონგრესმენს ქვეყანაში მიმდინარე დემოკრატიული რეფორმები, მთავრობის ოთხპუნქტიანი გეგმა და პარლამენტის დღის წესრიგი გააცნო. საუბარი შეეხო ქვეყნის საგარეო პოლიტიკურ პრიორიტეტებსა და რეგიონში არსებულ ვითარებას.

ჰალ როჯერსის განცხადებით, ამერიკის შეერთებული შტატები აგრძელებს საქართველოს უპირობო მხარდაჭერას.