საქართველოს პარლამენტის თავმჯდომარე ირაკლი კობახიძე NDI-ს საქართველოს ოფისის ხელმძღვანელის, ლორა თორნტონისა და მის საპასუხოდ, პარლამენტის წევრის, ირაკლი მეზურნიშვილის მიერ გაკეთებულ განცხადებებს გამოეხმაურა.

კობახიძემ ირაკლი მეზურნიშვილს პრობლემაზე ყურადღების გამახვილებისთვის მადლობა გადაუხადა.


„მოხარული ვარ, რომ დღეს NDI-ს ოფისის ხელმძღვანელმა თავისი გამონათქვამი შეასწორა. მადლობას გადავუხდი ირაკლი მეზურნიშვილს იმისთვის, რომ მან პრობლემაზე ყურადღება გაამახვილა. ძალიან მნიშვნელოვანია, რომ თითოეული ჩვენგანი იდგეს ჩვენი ქვეყნის ინტერესების სადარაჯოზე. ასევე, ჩვენი მთავარი სტრატეგიული პარტნიორი ქვეყნების ინტერესების სადარაჯოზე. აქედან გამომდინარე, კიდევ ერთხელ ვუხდი ირაკლი მეზურნიშვილს მადლობას“,- განაცხადა საქართველოს პარლამენტის თავმჯდომარემ ჟურნალისტებთან საუბრისას.