ეროვნულ-დემოკრატიული პარტიის ლიდერები ბაჩუკი ქარდავა და გოგა გოგნიაშვილი, ხობის რაიონის სოფელ ქარიათის მოსახლეობას შეხვდნენ  და ადგილობრივი მოსახლეობის პრობლემებს გაეცნენ.
ქარიათის მოსახლეობის განცხადებით სოფელს არ აქვს სასმელი წყალი, რის გამოც წყლის ასაღებად ისინი მეზობელ სოფელში დადიან.
მათივე თქმით სოფელში უმეტესობა დაუსაქმებელია და ფინანსური სიდუხჭირის გამო სასოფლო სამეურნეო მიწების დამუშავებას ვერ ახერხებენ.
"ხელისუფლება მოსახლეობას წინასაარჩევნო პიარისთვის, აბსურდულ დროში კი არ უნდა პირდებოდეს პრობლემების გადაჭრას, არამედ ისინი უნდა მოგვარდეს აქ და ახლავე"-განაცხადა ბაჩუკი ქარდავამ მოსახლეობასთან შეხვედრისას.
მანვე სოფლის მცხოვრებლებს ეროვნულ-დემოკრატიული პარტიის პროგრამის მთავარი პრიორიტეტები გააცნო.