ვიცე-პრემიერი, საგარეო საქმეთა მინისტრი მიხეილ ჯანელიძე გამოეხმაურა იერუსალიმის სტატუსთან დაკავშირებით გაერო-ში წარდგენილი რეზოლუციის განხილვას.

მინისტრმა ჟურნალისტების შეკითხვაზე პასუხად განაცხადა, რომ საქართველო ამ საკითხზე გადაწყვეტილებას მიიღებს პარტნიორებთან კონსულტაციების შესაბამისად „ეს გახლავთ ძალიან სენსიტიური თემა. ჩვენ ამ საკითხზე გვაქვს კონსულტაციები ჩვენს პარტნიორებთან და შესაბამისად მივიღებთ გადაწყვეტილებას“,-განაცხადა მიხეილ ჯანელიძემ.

აღსანიშნავია, რომ საქართველოს საგარეო საქმეთა სამინისტროს მიერ ამ საკითხზე ადრე გავრცელებულ განცხადებაში აღნიშნულია, რომ საქართველო მხარს უჭერს საერთაშორისო თანამეგობრობის ძალისხმევას, რათა ისრაელ-პალესტინის კონფლიქტის მოგვარება მოხდეს მშვიდობიანად.