კორეაში საქართველოს საელჩოს ორგანიზებით, სეულის სასტუმრო Millennium Seoul Hilton-ში საქართველოსა და კორეის რესპუბლიკას შორის დიპლომატიური ურთიერთობების დამყარების 25-ე წლისთავისადმი მიძღვნილი მიღება მოეწყო.

მოწეულ სტუმრებს მისასალმებელი სიტყვით კორეის რესპუბლიკაში საქართველოს საგანგებო და სრულუფლებიანმა ელჩმა ოთარ ბერძენიშვილმა მიმართა, რომელმაც ორ ქვეყანას შორის არსებულ მეგობრულ ურთიერთობებსა და სამომავლო პერსპექტივებზე ისაუბრა.
სიტყვით ასევე წარსდა საპატიო სტუმრის რანგში მოწვეული კორეის რესპუბლიკის ეროვნული ასამბლეის წევრი, მმართველი პარტიის წარმომადგენელი, საქართველო-კორეის საპარლამენტთაშორისო მეგობრობის ჯგუფის თავმჯდომარე, იუ სინგ-ჰი.
საელჩოს ინიციატივითა და მხარდაჭერით, გვანჯუს უნივერსიტეტის სტუდენტთა ვოკალურმა ჯგუფმა შეასრულა ქართული ხალხური სიმღერები.

მიღებაზე სტუმრებს საშუალება ჰქონდათ დაეგემოვნებინათ 10-მდე სახეობის ქართული ღვინო, ჭაჭა და „ბორჯომის“ და „ნაბეღლავის“ მინერალური წყლები.

ღონისძიებაზე მოწვეული იყვნენ კორეის საკანონმდებლო ორგანოსა და სახელმწიფო უწყებების, წამყვანი კონგლომერატების, აკადემიური წრეების, არასამთავრობო ორგანიზაციების, ქვეყანაში აკრედიტებული დიპლომატიური კორპუსი წარმომადგენლები და სეულში მცხოვრები საქართველოს მოქალაქეები.