საქართველოს პრემიერ-მინისტრის, გიორგი კვირიკაშვილის განცხადებით, ეკონომიკის მინისტრად დიმიტრი ქუმსიშვილი ინიშნება და ის ამავდროულად ვიცე-პრემიერის პოსტსაც ინარჩუნებს.
პრემიერის თქმითვე, იცვლება შიანაგა საქმეთა მინისტრიც და ის გიორგი გახარია იქნება.
რაც შეეხება ქუმსიშვილის ადგილს ფინანასთა მინისტრის პოსტზე, მას მთავრობის კაბინეტის ახალი წევრი მამუკა ბახტაძე დაიკავებს.

„ეკონომიკისა და მდგრადი განვითარების სამინისტროს უერთდება ენერგეტიკის სამინისტრო და გარემოს დაცვისა და ბუნებრივი რესურსების დაცვის სამინისტროს ბუნებრივი რესურსების მართვის კომპონენტი.
ეკონომიკის მინისტრის პოსტზე ინიშნება დიმიტრი ქუმსიშვილი, რომელიც ინარჩუნებს პირველი ვიცე-პრემირის სტატუსს და კოორდინაციას გაუწევს ეკონომიკური გუნდის მუშაობას. იცით, რომ ეკონომიკის სწრაფი განვითარება, რომელიც ჩვენი პრიორიტეტია კიდევ უფრო მოქნილი ეკონომიკის გატარებას ითვალისწინებს.
ეკონომიკის მოქმედი მინისტრი გიორგი გახარია ინიშნება შინაგან საქმეთა მინისტრად. შინაგან საქმეთა სამინისტროს როლი, პოლიციელის პრესტიჟი, დანაშაულთან ბრძოლა და საზოგადოებრივი წესრიგი არის ჩვენი მნიშვნელოვანი პრიორიტეტი და ამის ხაზგასასმელად მინისტრი ამავდროულად დაიკავებს ვიცე-პრემიერის როლს. გიორგი გახარია სწორედ მენეჯერული გამოცდილებითაა შერჩეული ამ პოსტზე. და ჩვენ დარწმუნებულები ვართ რომ ის წარმატებული მინისტი იქნება.
შსს-ში დღეს მოქმედი საგანგებო სიტუაციების მართვის სააგენტოსა და სახელმწიფო უსაფრთხოებისა დ კრიზისების მართვის საბჭოს შერწყმისა და რეორგანიზაციის შედეგად იქმნება საგანგებო სიტუაციების მართვის ცენტრი და მას უხელმძღვანელბს გიორგი მღებრიშვილი. ეს უნდა იყოს ოპერატიული ფუნქციებითა და შესაბამისი ინფრასტრუქტურით აღჭურვილი აპარატი, რომელიც დაექვემდებარება პრემიერს. მღებრიშვილი მისი გამოცდილებით იქნება ამ სტრუქტურის კარგი ხელმღვანელი.
ფინანსთა მინისტრად ინიშნება მამუკა ბახტაძე, რომელიც ამჟამად საქართველოს რკინიგზის გენერალური დირექტორია. მას აქვს ძალაინ კარგი განათლება და გამოცდილება და აჩვენა კონკრეტული შედეგები რკინიგზის მართვის პერიოდში“- განაცხადა პრემიერმა.