საქართველოში ევროკავშირის ელჩის იანოშ ჰერმანის განცხადებით, საქართველოსთვის უვიზო რეჟიმი დიდი წარმატებაა.
მისივე თქმით, უვიზო რეჟიმის ამოქმედებიდან 6 თვეში შენგენის ზონაში შესვლაზე უარი დაახლობით 230-მა მსურველმა მიიღო, ათასობით ქართველმა კი ისარგებლა უვიზო მიმოსვლით.
ამის შესახებ ჰერმანიმ საქართველოსთვის ვიზალიბერალიზაციის მინიჭებიდან გასული 6 თვის შეჯამებისას განაცხადა.
„უვიზო რეჟიმის ამოქმედებიდან 6 თვეში, შეგვიძლია დავასკვნათ, რომ უვზო რეჟიმი დიდი წარმატებაა. ათასობით ქართველმა გადაკვეთა საზღვარი და ისარგებლა შეუფერხებელი შესაძლებლობით. აღვნიშნავ ასევე იმასაც, რომ საქართველოს მთავრობამ ეფექტიანი საინფორმაციო კამპანია ჩაატარა მოქალაქეებისთვის, რომელთაც დაწვრილებით აუხნა აუცილებელი რეგულაციები. დაახლოებით 90 ათასი მგზავრიდან მხოლოდ 230-ს ეთქვა უარი შენგენის ზონაში შესვლაზე. ჩვენ უნდა გავაგრძელოთ საქართველოს ხელისუფლებასთან ერთად პროცესის მონიტორინგი მომავალშიც“- განაცხადა ჰერმანიმ.