”ქართული ოცნების” თავმჯდომარე მამუკა მდინარაძე მეორე ტურებში მონაწილეობასთან დაკავშირებით, „ერთიანი ნაციონალური მოძრაობის“ გადაწყვეტილებას აფასებს.

მისი თქმით, „ნაც.მოძრაობაში“ თავიდანვე კარგად იცოდნენ, რომ მათი მხრიდან წარმატება გამორიცხული იყო.

„ეს არ იყო ძნელი გამოსაცნობი. თავიდანვე კარგად უწყიან, რომ წარმატება გამორიცხულია მათი მხრიდან, რადგან უკონკურენტოა "ქართული ოცნება", მითუმეტეს მაშინ, როდესაც მეორე მხარეს არის „ნაციონალური მოძრაობა. ვერ ხედავენ აზრს მიიღონ მონაწილეობა „ქართული ოცნების“ წინააღმდეგ და ეს აბსოლუტურად ლოგიკურია“- აცხადებს მამუკა მდინარაძე.

შეგახსენებთ, რომ „ერთიანი ნაციონალური მოძრაობა“ თვითმმართველობის მეორე ტურებში მონაწილეობას არ მიიღებს.

როგორც პარტიაში განმარტავენ, არჩევნები არასამართლიან გარემოში ჩატარდა, რაც შესაბამისი გადაწყვეტილების საფუძველი გახდა.