„ქართული ოცნება - დემოკრატიული საქართველოს“ თბილისის მერობის კანდიდატის განცხადებით, არჩევნები მშვიდ და თავისუფალ გარემოში მიმდინარეობს.
ამის შესახებ კალაძემ დღეს გამართულ ბრიფინგზე განაცხადა, სადაც მან თანამებრძოლებს მადლობა გადაუხადა და არჩევნებში აქტიურობისკენ კიდევ ერთხელ მოუწოდა.
„არჩევნები მიმდინარეობს მშვიდ და თავისუფალ გარემოში. გამარჯვებამდე სულ რამდენიმე საათი დარჩა და მინდა კიდევ ერთხელ მივმართო ჩემს მხარდამჭერებს: გააქტიურდით, მობრძანდით, შეასრულეთ თქვენი საზოგადოებრივი ვალი. ჩვენ ერთად გავიმარჯვებთ და დავიწყებთ სიცოცხლით სავსე ქალაქის შენებას. თბილისი გაიმარჯვებს“ - განაცხადა კალაძემ.