პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა საკუთარი არჩევანი ნაძალადევის მე-9 საარჩევნო ოლქის N 4 საარჩევნო უბანზე დააფიქსირა.
დიმიტრი ქუმსიშვილი არჩევნებზე ხმის მისაცემად ქალიშვილთან ერთად მივიდა.

ქუმსიშვილის განცხადებით, მან დღევანდელ არჩევნებზე ხმა იმ ადამიანს მისცა, ვინც მოხუცებულებსა და ახალ თაობას აფასებს.

„მე ხმა მივეცი სიცოცხლით სავსე ქალაქს, ხმა მივეცი ადამიანს, რომელმაც იცის, რა არის შრომის ფასი, რომელიც აფასებს მოხუცებულებს, ჩვენს თაობას და ნამდვილად იცის, თუ რა უნდა მომავალს. ძალიან მნიშვნელოვანი არჩევნები გვაქვს დღეს საქართველოში. ეს არის თვითმმართველობის არჩევნები, რომელიც ადგილებზე წყვეტს, თუ როგორ უნდა განვითარდეს ჩვენი საქართველო, ჩვენი რეგიონები და რა თქმა უნდა, დედაქალაქი“ - განაცხადა პირველმა ვიცე-პრემიერმა.