საქართველოს ახლადდანიშნული პრეიმიერ-მინისტრი ვანო მერაბიშვილი მიიჩნევს, რომ შინაგან საქმეთა მინისტრის თანამდებობაზე ბაჩო ახალია საუკეთესო კანდიდატურაა.
როგორც სატელევიზიო კომენტარში აღნიშნა, ბაჩო ახალაია შეძლებს და გააგრძელებს იმ კურსს, რაც შსს-ს ჰქონდა აღებული.
„რათქმაუნდა, მე გულგრილი ვერ ვიქნები შინაგან საქმეთა სამინისტროს ბედზე და მიმაჩნია, რომ ბაჩო ახალაია არის საუკეთესო კანდიდატურა. იგი შეძლებს გააგრძელოს ის გზა, რეფორმები და ის მიმართულება, რომელიც ჩემი შს მინისტროს დროს სამინისტროს ჰქონდა აღებული“- განაცხადა მერაბიშვილმა და დასძინა, რომ ბაჩო ახალაიას კანდიდატურა შს მინისტრის თანამდებობაზე პრეზიდენტს თავად შესთავაზა.
„მე მაქვს გარანტია და დარწმუნებული ვარ, რომ ბაჩო ახალია არის საუკეთესო კანდიდატურა და ძალიან მიხარია, რომ ჩემი ინიციატივა მხარდაჭერილი იქნა პრეზიდენტის მიერ. ჩვენ მასთან და მთავრობის სხვა წევრებთან ერთად გავაგრძელებთ რეფორმებს ყველა სამინისტროსა და ყველა უწყებაში“- განაცხადა მერაბიშვილმა.
პრემიერ-მინისტრის პოსტზე ვანო მერაბიშვილის დანიშვნის შემდეგ, მთავრობაში გადაადგილებები მოხდა. დღეს შინაგან საქმეთა მინისტრის პოსტზე ბაჩო ახალიას კანდიდატურა დასახელდა. თავდაცვის მინისტრის თანამდებობაზე წარდგენილია განათლებისა და მეცნიერების მინისტრი დიმიტრი შაშკინი, განათლების მინისტრად კი, გამოცდების ეროვნული ცენტრის ხელმძღვანელი ხატია დეკანოიძე.
იცვლება ლტოლვილთა და განსახლების მინისტრი კობა სუბელიანი და ამ ადგილს აფხაზეთის ავტონომიური რესპუბლიკის განათლების ყოფილი მინისტრი დალი ხომერიკი დაიკავებს.