საკონსტიტუციო ცვლილებებთან დაკავშირებით საქართველოს პრეზიდენტს გიორგი მარგველაშვილსა და ოპოზიციურ პარტიებს შორის შეხვედრა გაიმართა.
შეხვედრა პრეზიდენტის სასახლეში 1 საათზე მეტხანს გაგრძელდა.
როგორც „ერთიანი ნაციონალური მოძრაობის“ პოლიტიკური საბჭოს მდივანი, ნიკა რურუა აცხადებს, აუცილებელია, რომ კონსტიტუცია დაბალანსებული და კონსენსუსით მიღებული იყოს.
„კონსტიტუცია უნდა იყოს სახალხო, დაბალანსებული და კონსენსუსით მიღებული. ამისთვის ყველაფერს გავაკეთებთ და მოხარული ვართ რომ პრეზიდენტი ჩართულია ამ პროცესში“- განაცხადა რურუამ.
შეგახსენებთ, რომ საკონსტიტუციო ცვლილებებთან დაკავშირებით პრეზიდენტი უკვე შეხვდა მმართველ გუნდს. გამოიყენებს თუ არა მარგველაშვილი ვეტოს უფლებას და კონკრეტულად რომელ საკითხებზე, 10 ოქტომბერს გახდება ცნობილი.