საქართველოში ამერიკის შეერთებული შტატების ელჩის იან კელის განცხადებით, ამერიკის შეერთებული შტატები საქართველოში საკონსტიტუციო ცვლილებების პროცესს ყურადღებით აკვირდება.
მისივე თქმით, აშშ-ში კონსტიტუციის ცვლილების პროცესი წლების განმავლობაში მიმდინარეობს.
„საქართველოს პარლამენტის მიერ მიღებულ გადაწყვეტილებაზე საკონსტიტუციო ცვლილებების შესახებ კომენტარის გაკეთება არ შემიძლია. თუმცა ჩვენს გამოცდილებას გაგიზიარებთ. შეერთებულ შტატებში კონსტიტუციის ცვლილების პროცესი წლების განმავლობაში მიმდინარეობს. ამაზე ბევრს ვფიქრობთ და საქართველოში აღნიშნულ საკითხს ყურადღებით ვაკვირდებით“-განაცხადა იან კელიმ.
შეგახსენებთ, რომ გუშინ პარლამენტის რიგგარეშე სხდომა გაიმართა, სადაც დეპუტატებმა მესამე მოსმენით კონსტიტუციაში ცვლილებების პროექტი დაამტკიცეს. კანონსპროექტს მხარი 117-მა მათგანმა დაუჭირა, ცვლილებების წინააღმდეგ კი 2 წავიდა.