საქართველოს პრემიერ-მინისტრი, გიორგი კვირიკაშვილი გაეროს ტურიზმის მსოფლიო ორგანიზაციის ახლადდანიშნულ მდივანს, ზურაბ პოლოლიკაშვილს პოსტზე დამტკიცებას ულოცავს.
როგორც პრემიერის განცახდებაშია ნათქვამი, ზურაბ პოლოლიკაშვილის ამ თანამდებობაზე დანიშვნა არა მხოლოდ მისი წარმატება, არამედ საქართველოს აღიარებაა.

„ვულოცავ ზურაბ პოლოლიკაშვილს გაეროს ტურიზმის მსოფლიო ორგანიზაციის გენერალურ მდივნად დამტკიცებას. ეს, რა თქმა უნდა, ბატონი ზურაბის დიდი წარმატებაა და ამავე დროს ეს საქართველოს აღიარებაა, როდესაც ჩვენი ქვეყნიდან წარგზავნილ კანდიდატს UNWTO-ს გენერალური ასამბლეა ერთხმად უჭერს მხარს და იგი საერთაშორისო ორგანიზაციის უმაღლეს თანამდებობას იკავებს. ყველას გილოცავთ ამ დიდ წარმატებას“- ნათქვამია პრემიერის განცხადებაში.
შეგახსენებთ, რომ გაერო-ს ტურიზმის მსოფლიო ორგანიზაციის(UNWTO) გენერალური მდივნის თანამდებობაზე საქართველოს კანდიდატი ზურაბ პოლოლიკაშვილი დაამტკიცეს.
UNWTO-ს გენერალურმა ასამბლეამ ორგანიზაციის აღმასრულებელი საბჭოს მიმდინარე წლის 12 მაისის გადაწყვტილებას ერთხმად დაუჭირა მხარი.