საქართველოს ვიცე-პრემიერმა საგარეო საქმეთა მინისტრმა მიხეილ ჯანელიძემ ირლანდიის საგარეო

საქმეთა და ვაჭრობისმინისტრთან საიმონ კოვენეისთან გაცნობითი ხასიათის შეხვედრა გამართა.

მინისტრების შეხვედრა ტალინში ევროკავშირის წევრი ქვეყნების და "აღმოსავლეთ პარტნიორი" სახელმწიფოების საგარეო საქმეთა მინისტრების არაფორმალური შეხვედრის ფარგლებში გაიმართა.

ორი ქვეყნის საგარეო საქმეთა მინისტრებმა კმაყოფილებით აღნიშნეს საქართველოსა და ირლანდიას შორის ბოლო პერიოდში გააქტიურებული ორმხრივი თანამშრომლობა სხვადასხვა სფეროში, რასაც ხელო შეუწყო ირლანდიაში საქართველოს საელჩოს ამოქმედებამ. მინისტრებმა გამოხატეს მზადყოფნა მომავალშიც განაგრძონ მჭიდრო დაინტენსიური ურთიერთობები თანამშრომლობის შემდგომ გასაღრმავებლად.

როგორც შეხვედრაზე აღინიშნა, ირლანდია დაინტერესებულია განავითაროს კავშირები რეგიონთან, განსაკუთრებით კი საქართველოსთან, რომელმაც მნიშვნელოვანიწინსვლა განიცადა ევროპული ინტეგრაციის და ქვეყნის რეფორმირების თვალსაზრისით. განსაკუთრებით აღინიშნა, რომ საქართველო თანდათან ყალიბდება მნიშვნელოვანეკონომიკურ და საინვესტიციო ჰაბად რეგიონში და მნიშვნელოვან ინტერესს იძენს ევროპა-აზიის სავაჭრო და სატრანზიტო კავშირების თვალსაზრისით.

საქართველოს ვიცე-პრემიერმა ირლანდიას საქართველოს მხარდაჭერისთვის მადლობა გადაუხადა, მათ შორის ირლანდიის პარლამენტის საგარეო, ვაჭრობისა დათავდაცვის გაერთიანებული კომიტეტის მიერ საქართველოს ტერიტორიული მთლიანობისა და ევროკავშირში ინტეგრაციის მხარდამჭერი რეზოლუციის მიღება აღინიშნა.

შეხვედრაზე მინისტრებმა საქართველოს ევროკავშირთან ინტეგრაციის პროცესის მიმდინარეობა და "აღმოსავლეთ პარტნიორობის" სამიტთან დაკავშირებული საკითხები მიმოიხილეს. აღინიშნა, რომ სამიტმა ხელი უნდა შეუწყოს აღმოსავლეთ პარტნიორი ქვეყნების მეტ დაახლოებას ევროკავშირთან და შედეგზე ორიენტირებულითანამშრომლობის განვითარებას.