მიმდინარე წლის სექტემბერს, ტალინში საქართველოს, მოლდოვას რესპუბლიკის და უკრაინის საგარეო საქმეთა მინისტრებმა მიხეილ ჯანელიძემ, ანდრე გალბურმა და პაოლო კლიმკინმა შეხვედრა გამართეს.
საგარეო საქმეთა სამინისტროს პრესსამსახურის ინფორმაციით, შეხვედრის მიზანს 24 ნოემბერს ბრიუსელში დაგეგმილი "აღმოსავლეთ პარტნიორობის სამიტის საერთო მოლოდინებზე მსჯელობა და ამ კონტექსტში ერთიანი ხედვის შემუშავება წარმოადგენდა.
შეხვედრისას მხარეებმა ევროკავშირთან თანამშრომლობის გაღრმავების კონკრეტულ გზებზეც ისაუბრეს, რომლებიც სამი ასოცირებული ქვეყანის უფრო მეტად დაახლოებას შეუწყობს ხელს საერთო ევროპულ პოლიტიკურ, ეკონომიკურ, ინფრასტრუქტურულ, კულტურულ თუ საგანმანათლებლო სივრცეში შემდგომი ინტეგრაციის გზით.
შეხვედრაზე ხაზი გაესვა DჩFთA-ის პოტენციალის მაქსიმალურად ათვისებასაც, ევროკავშირის ერთიან ბაზართან ინტეგრაციას, ენერგეტიკული და სატრანსპორტო ინფრასტრუქტურის განვითარებას, ევროკავშირის სპეციალიზირებული სააგენტოებისა და პროგრამების პოტენციალის სრულად ათვისებას.
შეხვედრის მონაწილეებმა განსაკუთრებული ყურადღება ევროკავშირთან თანამშრომლობის გაღრმავების საჭიროება- უსაფრთხოების სფეროში საერთო გამოწვევებთან ბრძოლაზე გაამახვილეს.
მხარეებმა ხაზი გაუსვეს აღმოსავლეთ ევროპული პარტნიორების მიმართ ევროკავშირის ინდივიდუალური მიდგომის შემუშავების აუცილებლობას მათი ევროპული ამბიციების ხარისხის გათვალისწინებით და დიფერენციაციისა და "მეტი მეტისთვის" პრინციპებზე დაყრდნობით.
შეხვედრისას ასოცირებული სახელმწიფოები შეთანხმდნენ, რომ გააგრძელებდნენ მჭიდრო თანამშრომლობასა და კოორდინაციას აღნიშნულ საკითხებზე.