საქართველო-გერმანიის წლის ფარგლებში ბრანდენბურგის ფედერალური მიწის რეგიონულ პარლამენტში გაიმართა საქართველო-გერმანიის დიპლომატიური ურთიერთობების 25 წლის აღსანიშნავი საზეიმო ღონისძიება.

ღონისძიება მისასალმებელი სიტყვით გახსნა პარლამენტის თავმჯდომარემ ბრიტა შტარკმა, რომელმაც საკუთარ გამოსვლაში დამეგობრებული ბრანდენბურგის ფედერალური მიწისა და აჭარის ავტონომიური რესპუბლიკის თანამშრომლობის ხანგრძლივ ტრადიციებზე ისაუბრა.

გამორჩეულ ქართულ-გერმანულ ურთიერთობებზე ისაუბრა ასევე გერმანიის ფედერაციულ რესპუბლიკაში საქართველოს ელჩმა ლადო ჭანტურიამ, რომელმაცსიტყვით მიმართა ლანდთაგის პლენარულ დარბაზში შეკრებილ სტუმრებს.

საზეიმო ღონისძიების მუსიკალური გაფორმაბაზე ბათუმის რევაზ ლაღიძის სახელობის მუსიკალური სკოლის მოსწავლეებმა იზრუნეს, რომლებიც დიასპორული გაერთიანება ბრანდენბურგ-საქართველოს საზოგადოების ხელშეწყობით, საზეიმო ღონისძიებაში მონაწილეობის მისაღებად ეწვივნენ ბრანდენბურგს.

ღონისძიებას ესწრებოდნენ საგანგებოდ ამ დღისთვის ლანდთაგის მიერ მოწვეული აჭარის ავტონომიური რესპუბლიკის უმაღლესი საბჭოს დელეგაცია, გერმანიაში საქართველოს ელჩი ლადო ჭანტურია და საგარეო საქმეთა სამინისტროსა და გერმანიაში საქართველოს საელჩოს წარმომადგენლები.