თბილისის სახელმწიფო ოპერის თეატრის წითელ დარბაზში დღეს საბალეტო ფესტივალის დაფუძნებასთან დაკავშირებით
პრესკონფერენციაგაიმართება.
პრესკონფერენციაში მონაწილეობას მიიღებენ თბილის სახელმწიფო ოპერისთეატრის სამხატვრო ხელმძღვანელი ბადრი მაისურაძე, საბალეტო დასის ხელმძღვანელი და ფესტივალის სამხატვრო ხელმძღვანელი ნინო ანანიაშვილი, კულტურის მინისტრი მიხეილ გიორგაძე, თიბისი ბანკის სამეთვალყურეო საბჭოს თავმჯდომარის მოადგილე ბადრი ჯაფარიძე დაჰოლანდიის ელჩი საქართველოში იოს დაუმა.
თბილისის საბალეტო ფესტივალი 21 ივნისს გაიხსნება და 2 ივლისს დაიხურება. მასში მონაწილეობას მიიღებენ მსოფლიო ბალეტის ვარსკვლავები, უცხოეთში მოღვაწე ქართველი მოცეკვავეები და მსოფლიოში სახელგანთქმული საბალეტო დასი ნიდერლანდების ცეკვის თეატრი 2 (NDT 2).

















