ჯაზ-ანსამბლი ქუთაისის ლადო მესხიშვილის სახელობის სახელმწიფო დრამატულ თეატრში დღეს კონცერტს გამართავს.
როგორც „ნიუსპრესს“ კულტურის სამინისტროდან აცნობეს, კონცერტში თამაზ ყურაშვილი, ზურაბ რამიშვილი, რეზო კიკნაძე, ლევან კემულარია და ზაზა ცერცვაძე მიიღებენ მონაწილეობას.
საღამოს საქართველოს კულტურისა და ძეგლთა დაცვის მინისტრი ნიკოლოზ რურუა და მინისტრის მოადგილე დავით ქირია დაესწრებიან.
პროექტის „ჯაზის სალექციო ტურნე საქართველოში“ ფარგლებში, რომელსაც კულტურის სამინისტრო წარადგენს, ჯაზმენები მერვე კონცერტს ჩაატარებენ. პირველი საღამო მუსიკოსებმა 25 აპრილს ჭიათურაში გამართეს, შემდეგ კი - სალექციო ჯაზ-ტურნეთი ბათუმი, ანაკლია, ზუგდიდი, ლოპოტა, თელავი და გურჯაანი მოიარეს.
პროექტის ძირითადი მიზანი საქართველოს რეგიონებში ჯაზის პოპულარიზაციაა.