თბილისში ჩასაბერ საკრავთა მეოთხე ფესტივალი ჩატარდება. როგორც „ნიუსპრესს“ ღონისძიების ორგანიზატორებმა აცნობეს, ფესტივალის  
მიზანი ქართულ ჩასაბერ საკრავთა სკოლისა და კამერული მუსიკის კიდევ უფრო დახვეწა და განვითარებაა. ფესტივალი ასევე მიზნად ახალგაზრდების კლასიკური მუსიკით დაინტერესებას და იმ ნაწარმოებების შესრულებას ისახავს, რომლებიც მანამდე ქართველი მსმენელისთვის არ შესრულებულა.  
ფესტივალის ფარგლებში  კონცერტები თბილისის კონსერვატორიის დიდ დარბაზში 30 ოქტომბერსა და 2 ნოემბერს, 19:00 საათზე ჩატარდება.  შესრულდება მსოფლიოში ცნობილი მუსიკოსების ნაწარმოებები.                
                          
                        
                        
                        
                             
                        
                        
                        
                        
                                
                                
                                
                                
                                
                                
                                
                                



                       
                                    
                                    
                                    
                                    
                                    
                                    












