ამერიკის შეერთებულ შტატებში საქართველოს საელჩომ ქართულ სამზარეულოსა და ღვინოზე კარლა კაპაბლოს წიგნის პრეზენტაციას „Taste Georgia: A Food and Wine Journey in the Caucasus“ უმასპინძლა.

საგარეო საქმეთა სამინისტროს პრესსამსახურის ინფორმაციით ღონისძიებაზე დამსწრე სტუმრებს მისასალმებელი სიტყვით აშშ-ში საქართველოს საგანგებო და სრულუფლებიანმა ელჩმა დავით ბაქრაძემ და წიგნის ავტორმა კარლა კაპაბლომ მიმართეს. პრეზენტაციის მონაწილეებს საშუალება მიეცათ დაეგემოვნებინათ კარლა კაპაბლოს წიგნის რეცეპტებით მომზადებული კერძები და ქართული ღვინო.

აღსანიშნავია, რომ ქართული სამზარეულოს შესახებ წიგნის ავტორი ცნობილი ჟურნალისტია, რომლის სტატიები და ფოტო მასალა რეგულარულად ქვეყნდება მსოფლიო დონის ჟურნალ გაზეთებში. კარლა კაპაბლო ბოლო სამი წლის მანძილზე, წიგნის წერია პროცესში ხშირად სტუმრობდა საქართველოს.