დანიის სამეფოში საქართველოს საელჩომ კინოფესტივალ “CPH PIX”-თან ერთად, კოპენჰაგენში მდებარე კინოთეატრ Cinemateket-ში „ქართულ დღეს“ უმასპინძლა, რომლის ფარგლებშიც ორი ქართული ფილმი იქნა ნაჩვენები.
პარალელურად ქართული ღვინისა და კერძების დეგუსტაცია გაიმართა.
საგარეო საქმეთა სამინისტროს პრესსამსახურის ინფორმაციით, ღონისძიების გახსნის ცერემონიაზე მოწვეულ სტუმრებს მისასალმებელი სიტყვით მიმართეს დანიის სამეფოში საქართველოს საგანგებო და სრულუფლებიანმა ელჩმა გიგიგიგიაძემ და CPH PIX-ის პროგრამის დირექტორმა ნილს ლინდ ლარსენმა. გიგი გიგიაძემ ყურადღება გაამახვილა ქართული კინემატოგრაფიის მდიდარ ისტორიაზე და ქართულიფილმების ბოლოდროინდელ წარმატებებზე.
ღონისძიებაზე ნაჩვენები იქნა რეჟისორ რეზო გიგინეიშვილის ფილმი „მძევლები“ და ნანა ექვთიმიშვილის და სიმონ გროსის ფილმი „ჩემი ბედნიერი ოჯახი“.
CPH PIX დანიის ყველაზე მასშტაბური კინოფესტივალია, რომელზეც დანიური და უცხოური 150-მდე ფილმის პრემიერა ხორციელდება. აღსანიშნავია, ამერიკულ, გერმანულ,ფრანგულ და იტალიურ კინო დღეებთან ერთად, ქართული დღე კინოფესტივალის ისტორიაში წელს პირველად მოეწყო.