ჰიპერმარკეტების ქსელმა გორგიამ დღეს საქართველოს მაშტაბით მეექვსე ჰიპერმარკეტი გახსნა. ცერემონია თელავში ალაზნის #75-შიგაიმართა.

ღონისძიება ჰიპერმარკეტ "გორგიას" მენეჯმენტთან ერთად, თელავის ვიცე მერმა, თელავის გამგეობის წარმომადგენელმა და უცხოელმა მომწოდებლებმა გახსნა. 5000 კვადრატულ მეტრზე განთავსებულ ჰიპერმარკეტში, მომხმარებელს 40 000-მდე დასახელების პროდუქტის შეძენა შეეძლება საქართველოში ყველაზე დაბალ ფასად.
კახეთის რეგიონში, კერძოდ თელავში გორგიას გახსნა სამშენებლო და სარემონტო მასალებზე გაზრდილმა მოთხოვნამ განაპირობა. ჰიპერმარკეტის მაღალი სტანდარტების შესაბამისად მოწყობაზე, სხვადასხვა ქვეყნიდან მოწვეული უცხოელი სპეციალისტები მონაწილეობდნენ. კომპანიის ინფორმაციით, ჰიპერმარკეტში 100-მდე ადამიანი დასაქმდა.