„საქართველოს ბანკმა“ ხუთი ახალი ექსპრეს სერვისცენტრი გახსნა.
როგორც „ნიუსპრესს“ საქართველოს ბანკიდან აცნობეს, ახალი ექსპრეს სერვისცენტრები მომხმარებელს მოხერხებულ, სწრაფ და მარტივ მომსახურებას შესთავაზებს.
სერვისცენტრები ნუცუბიძის 78-ში, ზაჰესში, ავჭალის ქუჩა 28-ში, ასევე, აფრიკის დასახლებაში, ჭიჭინაძის 10–ში და ფონიჭალა #3–ის ტერიტორიაზე არსებულ მოსაცდელ პავილიონში განთავსდა.
„საქართველოს ბანკის“ ექსპრეს სერვისცენტრები ორ ზონადაა დაყოფილი. ერთ ზონაში მომხმარებელს მოლარე-ოპერატორები ემსახურებიან, მეორე კი - თვითმომსახურების ზონაა, სადაც მომხმარებელი 24 საათის განმავლობაში შეძლებს ისარგებლოს, ინტერნეტბანკის ტერმინალით, თვითმომსახურების ტერმინალი Pay Box–ით და ბანკომატით.
სერვისცენტრების მეშვეობით, მომხმარებელი 24 საათის განამავლობაში თანხის ან გზავნილის განაღდებას, sms სესხის მიღებას, კომუნალური და სხვა გადასახადების გადახდას, ანგარიშზე თანხის შეტანას, თანხის გადარიცხვას, დეპოზიტის გახსნას და არაერთი სხვა ოპერაციის შესრულებას შეძლებს.
ექსპრესის სერვისცენტრები ყოველდღე, დილის 9:00 საათიდან 21:00 საათამდე და შაბათ–კვირას 10:00 საათიდან 18:00 საათამდე იმუშავებენ. ამ დროისთვის საქართველოს ბანკის 20 ექსპრეს სერვისცენტრი მოქმედებს.