პრეზიდენტი მიხეილ სააკაშვილი უცხოელ ბიზნესმენებს საქართველოში ინვესტირების განხორციელებისკენ მოუწოდებს.

შესაბამისი განცხადება მან რიგაში საქართველო-ლატვიის ბიზნესფორუმზე სიტყვით გამოსვლისას გააკეთა.

სააკაშვილმა ფორუმზე შეკრებილ ბიზნესმენებს საქართველოს ბიზნესგარემო და საინვესტიციო შესაძლებლობები გააცნო. როგორც მან აღნიშნა, ქვეყანას ბევრი ისეთი რამის შეთავაზება შეუძლია, რაც უცხოური ბიზნესისთვის მიმზიდველია.

მისივე თქმით, საქართველოში აღმოსალეთ ევროპისა და პოსტ-საბჭოთა სივრცის მასშტაბით ერთ-ერთი ყველაზე კარგი ბიზნესგარემოა. პრეზიდენტის განცხადებით, ქვეყანაში მარტივია საბაჟო პროცედურები, სწრაფად შეიძლება ბიზნესის რეგისტრაცია და ტრანზაქციები, გამარტივებულია ბიუროკრატიული პროცედურები, რაც ქვეყანას ამ მაჩვენებლით ახალი ზელანდიის გვერდით აყენებს, ხოლო ინფრასტრუქტურა ევროკავშირის ბევრ ქვეყანაზე სწრაფად ვითარდება.

სააკაშვილმა ლაზიკასა და მის საინვესტიციო შესაძლებლობებზეც ისაუბრა.

„ლაზიკას ძალიან საინტერესო მდებარეობა აქვს და გირჩევთ, ამ ბიზნესზე გაამახვილოთ ყურადღება“ - განაცხადა სააკაშვილმა და აღნიშნა, რომ მთავრობას სურს, ლაზიკაში ბრიტანული კანონები დანერგოს.

როგორც პრეზიდენტმა აღნიშნა, საქართველოს საუკეთესო მდებარეობა აქვს. კერძოდ, სააკაშვილმა ყურადღება გაამახვილა ბათუმის პორტზე, რომელიც ყახაზი ოპერატორების მიერ იმართება, ფოთის პორტზე, რომელიც „მაერსკის“ მიერ ოპერირდება და ყულევის ტერნინალზე, რომელსაც აზერბაიჯანელები მართავენ.

„მეზობლებისგან განსახვავებით, ჩვენ არ გვაქვს გაზი, მაგრამ ქვეყანა კრიმინალისგან თავისუფალია“ - აღნიშნა პრეზიდენტმა და ამის დასტურად ევროკავშირის კვლევა მოიყვანა, რომლის მიხედვით საქართველო ევროკავშირის ერთ-ერთი ყველაზე უსაფრთხო ქვეყანაა.

დასასრულ, პრეზიდენტმა ფორუმის მონაწილეები საქართველოში მოიწვია.