„საქართველოს ბანკი“ მომხმარებელს მობილურ ტელეფონებზე განვადების ახალ პირობებს სთავაზობს.
ის, ვინც 7 ივლისის ჩათვლით, „საქართველოს ბანკის“ განვადებით ისრაგებლებს და iPhone-ს, Blackberry-ს თუ Android-ის მობილურ ტელეფონს შეიძენს, საჩუქრად 3 გბ-მდე მობილურ ინტერნეტს მიიღებს.
მათ კი, ვისაც ახლადშეძენილი ტელეფონით საკუთარი საბანკო ანგარიშების მართვისა და სხვადასხვა საბანკო ოპერაციის განხორციელება სურს, აქციის ფარგლებში, ბანკი ტელეფონებზე მობილბანკის ახალი თაობის პროგრამის გააქტიურებას სთავაზობს.
„საქართველოს ბანკის“ ახალი თაობის მობილბანკის პროგრამის ჩამოტვირთვა, ასევე, შესაძლებელია Apple-ის ოფიციალური პორტალიდან AppStore, iPhone და iPod touch-ებისთვის.
„საქართველოს ბანკი“ მომხმარებელს კიდევ ერთ სერვისს სთავაზობს ბანკის მსხვილ სერვისცენტრებში Digital Desk–ების განთავსებით. Digital Desk-ებთან „საქართველოს ბანკის“ მომხმარებლებს დაეხმარებიან მარტივად შეარჩიონ სასურველი სმარტფონის მოდელი, გააფორმონ უპროცენტო განვადება მობილური ტელეფონის შესაძენად, მიიღონ რჩევები და სურვილის შემთხვევაში, უფასოდ ჩაიწერონ „საქართველოს ბანკის“ მობილბანკის პროგრამა შერჩეულ სმარტფონში. Digital Desk-ები ეტაპობრივად „საქართველოს ბანკის“ ყველა სერვისცენტრში განთავსდება.
როგორც „ნიუსპრესს“ „საქართველოს ბანკიდან“ აცნობეს, მობილური ტლეფონის განვადებით შეძენის საშუალება მომხმარებელს „საქართველოს ბანკის“ პარტნიორ მაღაზიებშიც ექნება.
„საქართველოს ბანკის“ უპროცენტო განვადებით სარგებლობა 20-დან 70 წლამდე ყველა ფიზიკურ პირს შეუძლია, რომელთა ყოველთვიური შემოსავალი მინიმუმ 200 ლარია. სესხის მოცულობა 200–დან 3000 ლარამდე, ხოლო სესხის ვადა 3–დან 24 თვემდე განისაზღვრება.