საქართველოში ტურიზმის ეროვნული ადმინისტრაცია ქვეყანაში „ინკლუზიური ტურიზმის“ განვითარებისთვის ხელშეწყობას გეგმავს. ამის შესახებ ტურიზმის ადმინისტრაციის ხელმძღვანელმა მაია სიდამონიძემ განაცხადა.
სწორედ სიდამონიძემ გახსსნა დღეს სასტუმრო „ქორთიარდ მარიოტში“ „ინკლუზიური ტურიზმის“ განვითარების საკითხებზე შეხვედრა.
მისი თქმით, სტატისტიკური მონაცემებით, წლიდან წლამდე მსოფლიოს სხვადასხვა ქვეყანაში ტურისტების რაოდენობა „ინკლუზიური ტურიზმის“ ხარჯზე 10%-ით იზრდება.
„დღვენდელ შეხვედრაზე განვიხილეთ სხვადასხვა კომპონენტები. პირველ რიგში შეზღუდული შესაძლებლობის მქონე პირებისთვის დასაქმების ხელშეწყობა ტურიზმის ინდუსტრიაში და ეს ერთ-ერთი მიმდინარე პროექტია. მეორეს მხრივ, განვიხილეთ „ინკლუზიური ტურიზმის“ ხელშეწყობა, რომლის მთავარი წინაპირობა შეზღუდული შესაძლებლობების მქონე პირთათვის ადაპტირებული გარემოს შექმნაა“-აღნიშნა სიდამონიძემ.
ტურიზმის ეროვნულ ადმინისტრაციაში აცხადებენ, რომ „ინკლუზიური ტურიზმის“ საქართველოში განვითარება განსაკუთრებით მნიშვნელოვანია, რადგან იგი ტურისტების რაოდენობის ზრდას უზრუნველყოფს.