ეკონომიკისა და მდგრადი განვითარების სამინისტროს დაფინანსება მიმდინარე წელს 21 425. 0 ათასი ლარით იზრდება და მთლიანობაში 160, 663. 7 ათასი ხდება.
2012 წლის ბიუჯეტში ცვლილებების თანახმად, ეკონომიკისა და მდგრადი განვითარების სამინისტროს ასიგნებების ფარგლებში იზრდება “ეკონომიკური პოლიტიკისა და სახელმწიფო ქონების მართვისთვის” განკუთვნილი თანხები – 22, 695. 6 ათასი ლარიდან, 60, 120.6 ათას ლარამდე. აქედან, გაზრდილი ბიუჯეტში ყველაზე დიდი წილი, სახელმწიფო საწარმოების მართვაზე მოდის, რისთვისაც საბიუჯეტო ასგინებები 1, 148. 0 ათასი ლარიდან, 39, 230. 9 ათას ლარამდე იმატებს.
მცირდება თანხები ზემო სვანეთში სათხილამურო ინფრასტრუქტურის განვითარებისთვის. საბიუჯეტო სახსრებიდან სათხილამურო ინფრასტრუქტურის განვითარებაზე 18,900.0 ათასი ლარი უნდა დახარჯულიყო, საიდანაც 3 მლნ იყო მხოლოდ საბიუჯეტო სახსრები, დანარჩენი კი - საფრანგეთის მთავრობის დახმარება.
საბიუჯეტო ცვლილებებით კი, სათხილამურო ტრასისითვის დაფინანსება სულ 2, 900. 0 ათასი ლარი იქნება, რაზეც საფრანგეთის მთავრობის დახმარებაზე მხოლოდ 1,000. 0 ათას ლარი მოდის.
ასევე, იზრდება სპორტისა და ახალგაზრდობის საქმეთა სამინისტროს დაფინანსება. ცვლილებების პროექტის თანახმად, სპორტისა და ახალგაზრდობის საქმეთა სამინისტროს დაფინანსება 9 209, 500 ლარით იმატებს. სამინისტროს ასიგნებების ზრდა, სპორტის განვითარების ხელსშეწყობის ღონისძიებებს შეეხება. პროგრამა მოქმედი ბიუჯეტით, 31 340, 000 ლარით ფინანსდებოდა, ცვლილების შემდეგ კი 40, 549, 5 00 ლარამდე გაიზრდება. სულ სამინისტროს ბიუჯეტი 59 209, 000 ლარი იქნება.