მიმდინარე წლის პირველი კვარტლის მონაცემებით, საქართველოში საგარეო სავაჭრო ბრუნვამ 2 244 მლნ აშშ დოლარი შეადგინა.
სტატისტიკის ეროვნული სამსახურის ცნობით, აღნიშნული მაჩვენებელი წინა წლის ანალოგიურ მაჩვენებელზე 17%-ით მეტია.
საგარეო სავაჭრო ბრუნვიდან ექსპორტზე 539 მლნ აშშ დოლარი მოდის, ხოლო იმპორტზე - 1 706 მლნ აშშ დოლარი.
„საქსტატის“ მონაცემებით, უარყოფითმა სავაჭრო ბალანსმა 2012 წლის იანვარ–მარტში 1 167 მლნ აშშ დოლარი - საგარეო სავაჭრო ბრუნვის 52% შეადგინა.
საქართველოს საგარეო ვაჭრობის დაზუსტებული მონაცემები 24 აპრილს გამოქვეყნდება.

















