საქართველოს სტატისტიკის ეროვნული სამსახურისა და შვედეთის სტატისტიკის სამსახურის ერთობლივი პროექტის ფარგლებში, საქსტატში შვედი სტატისტიკოსების სამუშაო ვიზიტი მიმდინარეობს.
ვიზიტის ფარგლებში დაგეგმილია მუშაობა ეროვნული ანგარიშების სტრუქტურაზე და მასთან დაკავშირებულ მეთოდოლოგიურ საკითხებზე.
სტატისტიკის ეროვნული სამსახურის პრესცენტრის ინფორმაციით, საქსტატსა და შვედეთის სტატისტიკას შორის 3–წლიანი თანამშრომლობის პროექტის ფარგლებში შვედეთის სტატისტიკა საქსტატს ტექნიკურ დახმარებას უწევს ინფლაციის, მთლიანი შიდა პროდუქტის, თანამშრომელთა ტრენინგის და სხვა ძირითადი სტატისტიკური კომპონენტების ხარისხის გაუმჯობესების მიმართულებით. პროექტის ბიუჯეტი 4 მილიონი ლარია და მთლიანად შვედეთის საერთაშორისო განვითარების სააგენტო (SIDA) მიერაა დაფინანსებული.

















