ვაჭრობის შედეგად, ლარი აშშ დოლართან მიმართებით მყარდება. Bloomberg-ის სავაჭრო სისტემის მიხედვით, ამჟამად ერთი აშშ დოლარი 3.3475 ლარი ღირს, რაც ვაჭრობის დასაწყისში არსებულ კურსთან - 3.40-თან მიმართებით 5.25 თეთრით ნაკლებია.

ეს ჯერ ოფიციალური გაცვლითი კურსი არაა, მას საქართველოს ეროვნული ბანკი 17:00-ზე გამოაქვეყნებს, თუმცა სავარაუდოდ აღნიშნული გამყარება ოფიციალურ კურსზეც აისახება.

შეგახსენებთ, რომ გუშინ ლარი დოლართან და ევროსთან მიმართებით მკვეთრად გაუფასურდა. შედეგად დოლარის ღირებულება 3.40 ლარი, ევროს ღირებულება კი 4.01 ლარი გახდა.

ჯამურად, ბოლო 5 დღის განმავლობაში ლარის ოფიციალური გაცვლითი კურსი დოლართან მიმართებით 16 თეთრით გაუფასურდა.