თიბისი კონცეპტი ახალი კონცეფციაა პერსონალურ საბანკო მომსახურებაში, რომელიც მომხმარებელს აქ და ახლა შესაძლებლობას აძლევს, აირჩიოს მისთვის სასურველი მომსახურების ნაკრები.

თიბისი კონცეპტის მიზანია ინდივიდუალურად, უფრო მეტი ადამიანისთვის შექმნას დახვეწილი, მაღალი ხარისხის მომსახურება, რომელიც მათ სურვილებთან და ცხოვრების წესთან იქნება თანხვედრაში. პერსონალური საბანკო მომსახურების ახალი მოდელი დაზოგავს მომხმარებლის დროს მისთვის უფრო მნიშვნელოვანი თემებისთვის - საქმისთვის, ჰობისთვის, საყვარელი ადამიანებისთვის.

„თიბისის პერსონალური საბანკო მომსახურება უკვე მეორე ათწლეულია ლიდერია და მუდმივად ვითარდება მომხმარებლების მოთხოვნების შესაბამისად. მსოფლიო ტენდენციები და ბოლო მოვლენები ნათლად აჩვენებს, როგორც ციფრული და დისტანციური არხების მნიშვნელობას, ისე ადამიანთან ურთიერთობის ღირებულებას. სწორედ ამიტომ, თიბისის პერსონალური საბანკო მომსახურება უფრო მოქნილი, კონკრეტულ საჭიროებებზე მორგებული და პერსონიფიცირებული რომ ყოფილიყო, მომხმარებელთან ურთიერთობის ახალი ფორმატი შევიმუშავეთ და მათ ერთი-ერთი ყველაზე მოქნილი - ე.წ subscription, გამოწერის მოდელი შევთავაზეთ. ამ კონცეფციით, ადამიანებს არჩევანის საშუალებას ვაძლევთ - თავად გადაწყვიტონ, რა სჭირდებათ და სწორედ აქედან გამომდინარე მიიღონ პროდუქტებისა და სერვისების მათთვის სასურველი ნაკრები“, - ნატა ხურციძე, თიბისის პერსონალური საბანკო მომსახურების ხელმძღვანელი.

ამ ეტაპზე თიბისი კონცეპტი პრემიუმ და ციფრულ ნაკრებებს აერთიანებს. თუმცა, ტრანსფორმაცია საწყისი პროცესია. თიბისის პერსონალური საბანკო მომსახურების გუნდი აქტიურად მუშაობს იმისათვის, რომ მომხმარებლებს ისეთი სიახლეები შესთავაზოს, რაც მათ ყოველდღიურობას კიდევ უფრო გაამარტივებს.

თიბისი კონცეპტის შესახებ მეტი ინფორმაციის მისაღებად, მომხმარებელი პირად ბანკირს ან კონცეპტის ცენტრს (032 2 27 27 00) უნდა დაუკავშირდეს .



მანამდე კი ვიდეო თიბისი კონცეპტის შესახებ -

https://www.facebook.com/tbcconcept/posts/3469734803092059