„ჯორჯიან უოთერ ენდ ფაუერი“ (თბილისის წყალი) კომპანიის შესაძლო გაყიდვასთან დაკავშირებით გარცელებულ ინფორმაციას უარყოფს.

როგორც „ჯორჯიან უოთერ ენდ ფაურის“ განცხადებაშია ნათქვამი, კომპანია მსგავსი სახის დეზინფორმაციის გავრცელების კატეგორიული წინააღმდეგია.

„კომპანიის მენეჯმენტი მიიჩნევს, რომ „ჯორჯიან უოთერ ენდ ფაუერი“ ბიზნესერთეულია, რომლის მთავარი მიზანიც სახელმწიფოსთან დადებული ხელშეკრულებებით ნაკისრი ვალდებულებების შესრულება და თბილისის მოსახლეობისთვის წყალმომარაგებისა და წყალარინების სფეროში მაღალი ხარისხის მომსახურების გაწევაა“ - ნათქვამია განცხადებაში.

კომპანიის მენეჯმენტი კატეგორიულად აცხადებს, რომ არ არის ჩართული პოლიტიკურ პროცესებში და არც კომპანიის გასხვისებასთან დაკავშირებით  აწარმოებს მოლაპარაკებებს რომელიმე პოლიტიკურ პარტიასთან ან მის ცალკეულ წარმომადგენელთან.

რამდნიმე დღის წინ, პარტია „ქართული დასის“ ლიდერმა ჯონდი ბაღათურიამ განაცხადა, რომ მისი პარტნიორი პარტია „განახლებული საქართველოსთვის“ მრჩეველი საერთაშორისო საკითხებში, მოსკოვში მცხოვრები ქართველი ბიზნესმენი მინდია გულუა კომპანიების „თბილისის წყლის“, „თელასისა“ და „ყაზტრანსგაზის“ შესყიდვას აპირებს, რათა ქვეყანაში ტარიფები გააიაფოს.