კომპანია „გალფ ჯორჯიამ“ დღეს კახეთის გზატკეცილზე პროფესიული გადამზადების ცენტრის „გალფ სკოლის“ პრეზენტაცია გამართა, რომელიც სერვისის გაუმჯობესების მიზნით შეიქმნა.

როგორც „ნიუსპრესს“ კომპანიიდან აცნობეს, „გალფი“ ნავთობპროდუქტების ბაზარზე პირველი კომპანიაა, რომელმაც თანამშრომელთა გადამზადების ახალი სისტემა დანერგა.

„გალფ სკოლაში“ კომპანიის თანამშრომელთა ორი ჯგუფი გადამზადდება. კერძოდ, ბენზინგასამართი სადგურის ცვლის უფროსები და მენეჯერები და ბენზინგასამართი სადგურების ოპერატორები.

„გალფ სკოლაში“ თანამშრომელთა ძირითადი ფუნქცია-მოვალეობები, შრომისა და უსაფრთხოების კანონები, მომხმარებელთან ურთიერთობა, სახანძრო უსაფრთხოების წესები და სხვა საჭირო საკითხები ისწავლება.