საფინანსო-საბიუჯეტო კომიტეტის თავმჯდომარის ირაკლი კოვზანძის გნცხადებით, 2019 წლის სახელმწიფო ბიუჯეტისგან განსხვავებით დაახლოებით 800 მილიონით მეტი დაიხარჯება საქართველოს მოქალაქეების კეთილდღეობის გაუმჯობესებისთვის.

,,14 მილიარდ 200 მილიონი მსგავსი ციფრი დამოუკიდებელი საქართველოს ისტორიაში არ გვქონია, ეს ნიშნავს რომ დაახლოებით 800 მილიონით მეტი 2019 წლის სახელმწიფო ბიუჯეტისგან განსხვავებით დაიხარჯება საქართველოს მოქალაქეების კეთილდღეობის გაუმჯობესებისთვის , ეს არის დამატებითი პენსიები, ეს არის ხელფასები სხვა და სხვა მიმართულებით მათ შორის მასწავლებლები, პოლიციელები, ჯარისკაცები, სამედიცინო დარგის მუშაკები და სხვა და სხვა მიმართულებით. გარდა ამისა ეს ბიუჯეტი არის დაბალანსებული იმ გაგებით, რომ ეს თანხები 14 მილიარდ 200 მილიონიდან მიმართულია ასევე ეკონომიკური ზრდის სტიმულირებისათვის, მათ შორის 3 მილიარდზე მეტი არის ინფრასტრუქტურული პროექტების განვითარებისათვის. ეს არის ბალანსი: ერთის მხრივ საქართველოს მოქალაქეების კეთილდღეობისაკენ და მეორეს მხრივ კი საქართველოს ეკონომიკის მდგრადი განვითარებისათვის. პარამეტრებს რაც შეეხება ჩვენ ჩადებული გვაქვს 5% -იანი ზრდა ეკონომიკის, რაც მე მიმაჩნია, რომ საკმაოდ კარგი მაჩვენებელია, იმ თვალსაზრისით რომ წლევანდელ ბიუჯეტში გვაქვს 4,5%-იანი და მე ვფიქრობ რომ რეგიონულ ქვეყნებთან მიმართებაში ერთ-ერთი კარგი მაჩვენებელი გვექნება 2020 წელს. თუმცა, გვექნება ბევრი სამუშაო, როგორც საქართველოს მთავრობას ასევე პარლამენტს და ეს მაჩვენებელი მიღწეული იქნება 2020 წლისათვის"-განაცხადა კოვზანაძემ.