ვიცე-პრემიერის, მაია ცქიტიშვილის განცხადებით, მამუკა ხაზარაძისა და ბადრი ჯაფარიძის
საქმეზე მიმდინარე გამოძიება ბუნებრივია ვერ იქნება კარგი ანაკლიის პორტის პროექტისთვის, თუმცა ის არ ეთანხმება ანაკლიის განვითარების კონსორციუმს, როცა სწორედ მიმდინარე გამოძიებით ცდილობს პროექტის დაბრკოლებების მიზეზის ახსნას.„პროკურატურის თემა კარგი ვერ იქნება პროექტისთვის. არაფერი კარგი ამაში არ არის მაგრამ, როცა კონსორციუმი ამით ცდილობს პროექტის დაბრკოლების მიზეზების ახსნას, ამ პოზიციას, რა თქმა უნდა, არ ვეთანხმები. პროექტის პრობლემბი არ წარმოიშვა 2019 წლის იანვარში, ჩვენ 2018 წლის ბოლოს აღმოვჩნდით იმ ვითარების წინაშე, როდესაც არათუ გადავადება გახდა საჭირო, არამედ ისეთი პრინციპულად ახალი და მნიშვნელოვანი პირობა იყო წაყენებული ბანკების მხრიდან, როგორიცაა კომერციული რისკების დაზღვევა, ისეთი ტიპის გარანტიების გაცემა, რომელზეც სახელმწიფო ვერ დათანხმდებოდა. ამიტომ, ეს საკითხი პროკურატურის ძიებასთან დაკავშირებული არ არის. ისევე როგორც იმ 120 მილიონის მოძიება, რომელიც დამფძნებელების საკუთარი შენატანია პროექტში", - აცხადებს ვიცე-პრემიერი.
