პირველი რეგულარული ავიარეისი ანკარა-თბილი-ანკარას მიმართულებით თურქეთის ავიახაზების (Turkish Airlines) მიერ შესრულდება, რომელიც ანკარისა და თბილისის საერთაშორისო აეროპორტებში დღეს საზეიმოდ გაიხსნება. გახსნის საზეიმო ცერემონიას ანკარაში საქართველოს ელჩი გიორგი ჯანჯღავა, ხოლო თბილისში თურქეთის რესპუბლიკის ელჩი ფატმა ჯერენ იაზგანი დაესწრებიან.

აღნიშნული პირველი რეგულარული ავიამიმოსვლის შესახებ გადაწყვეტილება ანკარაში საქართველოს ელჩსა და თურქეთის რესპუბლიკის პრეზიდენტს შორის გამართული შეხვედრისას მიიღეს. მოლაპარაკებაში მონაწილე მხარეთა შეფასებით ეს ნაბიჯი საქართველოსა და თურქეთს შორის უკვე არსებული სტრატეგიული თანამშრომლობის გაღრმავებას შეუწყობს ხელს.