ჟურნალმა „Global Finance“-მა მსოფლიოში საუკეთესო ინტერნეტ ბანკებს შორის ქართული ბანკი წელს პირველად დაასახელა.
როგორც „ნიუსპრესს“ „თიბისი ბანკიდან“ აცნობეს, ჟიურის გადაწყვეტილებით, „თიბისი“ ერთდროულად ორ ნომინაციაში - ცენტრალური და აღმოსავლეთ ევროპის რეგიონის მასშტაბით, როგორც „საუკეთესო ინტეგრირებული სამომხმარებლო ინტერნეტ ბანკი“, ხოლო საქართველოს მასშტაბით, როგორც „საუკეთესო სამომხმარებლო ინტერნეტ ბანკი“ დაჯილდოვდა.
გამარჯვებული ბანკები ინტერნეტ ბანკის ფუნქციურობის, დიზაინის და ინტერნეტ მომხმარებლის მოზიდვის სტრატეგიის ეფექტურობის მიხედვით შეირჩა.
„თიბისი ბანკთან“ ერთად, ცენტრალური და აღმოსავლეთ ევროპის რეგიონში საუკეთესო ვებ-დიზაინისა და გადასახადების სისტემისთვის - CITI Bank, საუკეთესო მობაილ ბანკისა და სოციალურ მედიაში ჩართულობისთვის - OTP Bank და საუკეთესო ონლაინ სადეპოზიტო, საკრედიტო და საინვესტიციო პროდუქტებისთვის - Bank Millennium-ი დაჯილდოვდნენ.