ეკონომიკისა და მდგრადი განვითარების მინისტრი, გიორგი ქობულია შვედეთის ელჩს, ულრიკ თიდესთრომს შეხვდა, რომელიცთავის მოვალეობას საქართველოში მიმდინარე წლის სექტემბრიდან ასრულებს.

ეკონომიკისა და მდგრადი განვითარების სამინისტროს პრესსამსახურის ცნობით, შეხვედრაზე ორმხრივი სავაჭრო-ეკონომიკური კავშირები, ასევე სამომავლო თანამშრომლობის პრიორიტეტული მიმართულებები იყო განხილული. გიორგი ქობულიამ შვედეთის ელჩს საქართველოს ეკონომიკური ტენდენციები, მიმდინარე და დაგეგმილი რეფორმები, აგრეთვე ევროკავშირის წინაშე ასოცირების შეთანხმებით აღებული ვალდებულებების შესრულების მიმდინარეობა განიხილეს.

აღინიშნა, რომ შვედეთის მხარე საქართველოს ეკონომიკაში არსებულ ვითარებას ყურადღებით აკვირდება და იმ რეფორმების მხარდაჭერას გამოთქვამს, რომლის მიზანსაც ქვეყნის ეკონომიკის ინკლუზიური განვითარება წარმოადგენს.

შეხვედრაზე ასევე ყურადღება გამახვილდა თანამშრომლობის გაღრმავებაზე ისეთ სექტორებში, როგორიცაა ტრანსპორტი, ლოგისტიკა, ენერგეტიკა, ნარჩენების მართვა და სხვ.