„თიბისი ბანკმა“ და ევროპის საინვესტიციო ბანკმა (EIB) 30 მილიონი ევროს ოდენობის სასესხო ხელშეკრულებას მოაწერეს ხელი. რესურსის ვადიანობა 5 წელია და ის მცირე და საშუალო ბიზნესის დაკრედიტებას მოხმარდება.

„მოხარული ვართ, რომ ასეთი წარმატებული პარტნიორობა გვაქვს ევროპის საინვესტიციო ბანკთან. ეს უკვე მეოთხე ტრანზაქციაა, რომელიც 2012 წლიდან დღემდე ჩვენმა ინსტიტუტებმა განახორციელეს. რესურსი მცირე და საშუალო ზომის საწარმოების დაფინანსებას მოხმარდება, რაც „თიბისი ბანკის“ პოზიციებს ამ სეგმენტში, საქართველოში კიდევ უფრო გააძლიერებს “, - განაცხადა თიბისი ბანკის გენერალურმა დირექტორმა, ვახტანგ ბუცხრიკიძემ.

„თიბისი ბანკის დაფინანსებით EIB ხელს უწყობს ევროკავშირის საგარეო პოლიტიკის მიზნების განხორციელებას აღმოსავლეთ პარტნიორობის რეგიონში კერძო სექტორის სტაბილიზაციისა და ხელშეწყობისთვის. ამ ტრანზაქციით ქართული მცირე და საშუალო ზომის საწარმოებისთვის გრძელვადიანი ფინანსირების ხელშეწყობა იზრდება, რაც მათ ზრდასა და კონკურენტუნარიანობაზე პოზიტიურ გავლენას მოახდენს, შეიქმნება მეტი სამუშაო ადგილი და საქართველოს ეკონომიკა გაიზდება“, - განაცხადა EIB-ის ვიცე- პრეზიდენტმა, ვაზილ ჰუდაკიმ.