სტიქიის შედეგების ლიკვიდაციისთვის ბიუჯეტში ცვლილებების შედეგად, რამდენიმე სამინისტროს დაფინანასება შეუმცირდება.
სახელმწიფო ბიუჯეტში ცვლილებების პროექტის მიხედვით, რეინტეგრაციის საკითხებში სახელმწიფო მინისტრის აპარატის დაფინანასება 1.350.0 ათასი ლარიდან 1.280.0 ათას ლარამდე მცირდება; ფინანსთა სამინისტროს დაფინანსება – 115,759.0 ათასი ლარიდან 110,759.0 ათას ლარამდე; ეკონომიკისა და მდგრადი განვითარების სამინისტროს საბიუჯეტო სახსრები 108,463.7 ათასი ლარიდან 79, 097. 4 ათას ლარამდე.
ასევე, შემცირება ეხება სასჯელაღსრულების, პრობაციისა და იურიდიული დახმარების სამინისტოს, კერძოდ კი - 125, 100.0 ათასი ლარიდან 124, 900.0 ათას ლარამდე; საგარეო საქმეთა სამინისტროს – 91, 000. 0 ათასი ლარიდან 83, 500.0 ათას ლარამდე; შინაგან საქმეთა სამინისტოს – 585,200.0 ლარიდან 585,050.0 ლარამდე; განათლებისა და მეცნიერების სამინისტროს ასიგნებები - 600,880.0 ათასი ლარიდან 600,680.0 ათას ლარამდე; ოკუპირებული ტერიტორიებიდან დევნილთა, განსახლებისა და ლტოლვილთა სამინისტროს ასიგნებები – 36,400.0 ლარიდან 36,300.0 ათას ლარამდე; ენერგეტიკისა და ბუნებრივი რესურსების დაცვის სამინისტროს საბიუჯეტო სახსრები 9, 100.0 ათასი ლარიდან 8, 950.0 ათას ლარამდე მცირდება. 16,881.0 ათასი ლარიდან 16,831.0 ათას ლარამდე იკლებს გარემოს დაცვის სამინისტროს დაფინანსება, ხოლო სპორტისა და ახალგაზრდულ საქმეთა სამინისტროს ასიგნებები - 59, 209.5 ათასი ლარიდან 59.089.5 ათას ლარამდე.
სახელმწიფო ბიუჯეტში სტიქიის შედეგების ლიკვიდაციასთან დაკავშირებული ცალკე მუხლი ჩნდება, სადაც 50 მილიონი ლარი იქნება გათვალისწინებული.
კანონპროექტის თანახმად, შრომის, ჯანმრთლებისა და სოციალური დაცვის და რეგიონალური განვითარებისა და ინფრასტრუქტურის სამინისტროების ასიგნებები 6–6 მილიონი ლარით გაიზრდება.
კერძოდ კი ჯანდაცვის სამინისტროსთვის გამოყოფილი ასიგნებები 1.799,924.0 ლარი იყო, ხოლო ახლა – 1,805,525.0 ლარი იქნება, ხოლო რეგიონალური განვითარების სამინისტროსთვის გამოყოფილი თანხა 348, 106.4 ათას ლარს შეადგენდა, რომელიც 354, 106.4 ათას ლარამდე იზრდება.
სახელმწიფო ბიუჯეტში ცვლილებების პროექტი პარლამენტის ბიუროს რეგგარეშე სხდომაზე დღეს დარეგისტრირდა და იგი რიგგარეშე სესიაზე 25 ივლისს დამტკიცდება.