"მნიშვნელოვანია, რომ გერმანულ კომპანიებს წარმოადგენდნენ უშუალოდ მფლობელები. ამდენად, ძალიან მნიშვნელოვანია, რომ საქართველოს საინვესტიციო შესაძლებლობებზე ინფორმაცია უშუალოდ იმ პირებს მიეწოდათ, რომლებიც იღებენ გადაწყვეტილებებს. ეს მათ საბოლოო გადაწყვეტილების მიღებაში დაეხმარება. რაც ასევე საგულისხმოა, მათ ჰქონდათ კონკრეტული შეკითხვები საქართველოს ცალკეული სექტორების მიმართ, სადაც ისინი ინვესტიციების განხორციელებას გეგმავენ," - განაცხადა ეკონომიკისა და მდგრადი განვითარების მინისტრის მოადგილემ გენადი არველაძემ გერმანიის ეკონომიკისა და ენერგეტიკის სამინისტროს საპარლამენტო მდივანთან, ტომას ბარაიბისთან და გერმანულ ბიზნეს-დელეგაციასთან შეხვედრის შემდეგ, რომლებიც საქართველოში გერმანიის კანცლერის ანგელა მერკელის ვიზიტის ფარგლებში იმყოფებიან.


ეკონომიკისა და მდგრადი განვითარების მინისტრის მოადგილის განცხადებით, საქართველოსთვის განსაკუთრებით მნიშვნელოვანია ისეთი კომპანიების შემოსვლა, რომელთაც საქმიანობის დიდი გამოცდილება აქვთ და ქვეყანაში, ინვესტიციასთან ერთად, ასევე შეაქვთ ცოდნა და ახალი ტექნოლოგიები.


შეხვედრას მსხვილი გერმანული კომპანიების (Kნაუფ Gიპს KG; Eრნსტ Kლეტტ AG; Dეუტსცჰე Bაჰნ AG; ჩაისლეყ Iნტერნატიონალ GმბH; GP Güნტერ Pაპენბურგ AG; ჩრონიმეტ Hოლდინგ AG / ჩრონიმეტ Mინინგ AG; Gიესეცკე & Dევრიენტ) ხელმძღვანელი პირები დაესწრნენ. მოკლე პრეზენტაციების გაკეთების შემდეგ, ისინი საქართველოს ეკონომიკის კონკრეტულ სექტორებში არსებული ვითარებით დაინტერესდნენ. მათ შორის იყო გერმანიის სარკინიგზო კომპანია "დოიჩე ბანი", რომელთანაც მოლაპარაკებები თანამშრომლობის შესახებ 2016 წლიდან დაიწყო, როდესაც კომპანია "საქართველოს რკინიგზას" ქვეყნის ამჟამინდელი პრემიერ-მინისტრი ხელმძღვანელობდა. მოლაპარაკებები 2018 წლის ივლისში დასრულდა.



"აღნიშნული მემორანდუმი გულისხმობს თანამშრომლობას "საქართველოს რკინიგზასა" და "დოიჩე ბანს" შორის გადაზიდვებისა და ინფრასტრუქტურის ნაწილში, ასევე საერთაშორისო ტვირთების მოზიდვის კუთხით. ეს ჩვენი ქვეყნისთვის ძალიან მნიშვნელოვანია იმისათვის, რომ გაიზარდოს საქართველოზე გამავალ ევროპა-აზიის დერეფანში ტვირთები მოცულობა და ის უფრო მეტად მდგრადი გავხადოთ", - განაცხადა ეკონომიკის მინისტრის მოადგილემ გენადი არველაძემ.


გერმანიის ფედერალური კანცლერის ანგელა მერკელის საქართველოში ვიზიტთან ფარგლებში, საქართველოს მსხვილი გერმანული კომპანიების ხელმძღვანელი პირები ეწვივნენ, რომლებიც ხვალ, 24 აგვისტოს საქართველოს საქმიანი წრეების წარმომადგენლებთან სამომავლო თანამშრომლობის შესაძლებლობებს განიხილავენ.