საქართველოს პრემიერ-მინისტრმა, მამუკა ბახტაძემ პარლამენტში სიტყვით გამოსვლისას ეკონომიკის სექტორში სამართლიანი თამაშის წესების დამკვიდრებაზე ყურადღება კიდევ ერთხელ გაამახვილა.
მისი განცხადებით, ეკონომიკური მოდელი, რომელიც ქვეყანაში არსებობს, ინკლუზიურ ზრდას არ უზრუნველყოფს.
„კიდევ ერთი საკითხი გახლავთ ძირეული და ინოვაციური რეფორმების გატარება. თქვენ იცით ჩემი პოზიცია, რომ ის ეკონომიკური მოდელი, რომელიც ჩვენ მემკვიდრეობით გვერგო, არ უზრუნველყოფს ქვეყანაში ინკლუზიურ ზრდას. მასში არის ისეთი სექტორები, სადაც არ იყო სამართლიანი თამაშის წესები, რომელმაც მნიშვნელოვანი ბარიერები შექმნა ინკლუზიური ეკონომიკური ზრდისთვის და ჩვენ ამას აუცილებლად აღმოვფხვრით და ახალ სტიმულს მივცემთ საქართელოში ინკლუზიური ზრდის მიღებას“- განაცხადა ბახტაძემ.